Aleanca e vendeve evropiane me paketë të re prej 116 milionë dollarësh për Ukrainën

Një aleancë e mbrojtjes e udhëhequr nga Britania e disa vendeve evropiane njoftoi një paketë të re 116 milionë dollarësh të aftësive të mbrojtjes ajrore për Ukrainën.

Ministrat e mbrojtjes nga Forca e Përbashkët e Ekspeditës – e cila përfshin Danimarkën, Estoninë, Finlandën, Islandën, Letoninë, Lituaninë, Holandën, Norvegjinë, Suedinë dhe Mbretërinë e Bashkuar – morën vendimin të martën pas një takimi.

“Pajisjet, me vlerë 92 milionë paund (116 milionë dollarë), do të prokurohen në muajt e ardhshëm përmes Fondit Ndërkombëtar për Ukrainën (IFU) për të forcuar aftësinë e Ukrainës për të mbrojtur infrastrukturën e saj kritike kombëtare, popullsinë civile dhe personelin e vijës së parë”, tha qeveria e Mbretërisë së Bashkuar në një deklaratë.

Paketa “do të sigurojë radarë për të ndihmuar në mbrojtjen nga sulmet pa dallim ruse, si dhe armë dhe një sasi të konsiderueshme municioni”, shtoi ai.

Sekretari i Shtetit i Shteteve të Bashkuara, Antony Blinken, njoftoi veçmas një ndihmë të re sigurie prej 325 milionë dollarësh për Ukrainën të martën./21Media