Aleanca hap dyert në selinë e re, bashkë me Ambasadorin Hovenier

Kryetari i Aleancës për Ardhmërinë e Kosovës (AAK), Ramush Haradinaj, ka pritur mysafirin e parë për vizitë në selinë e re të partisë, Ambasadorin Amerikan në Kosovë, Jeffrey Hovenier.

Këtë e ka bërë të ditur vetë Haradinaj përmes një postimi.

“Me këmbë të mbarë e në shtëpinë e re, të nderuar që mysafiri i parë ishte Ambasadori Amerikan, Jeffrey Hovenier. Folëm për aktualitetin në Kosovë, për bashkëpunimin e ndërsjellë, pa harruar mbështetjen jetike të Shteteve të Bashkuara të Amerikës në të gjitha fazat e lirisë e të shtetndërtimit të Kosovës! Me urime të ndërsjella edhe për Festën Kombëtare të Pavarësisë së Amerikës!”, ka shkruar Haradinaj në “Facebook”.