Ambasada britanike mbështet aksionin për luftim të kontrabandës

1 min read
Për aksionin e djeshëm të Policisë së Kosovës në disa komuna për ndaljen e kontrabandës me mallra dhe krimit të organizuar, ka shprehur mbështetje Ambasada britanike në Kosovë.Në reagimin e ambasadës thuhet se veprimi kundër krimit të organizuar është në interes të të gjithë qytetarëve të Kosovës dhe e mbështesin Qeverinë e Kosovës në respektimin e sundimit të ligjit në të gjithë Kosovën.

“Ne jemi gjithashtu të shqetësuar për raportet e frikësimit të gazetarëve që përpiqen të bëjnë punën e tyre dhe të raportojnë faktet në terren. Gazetarët kanë të drejtë të veprojnë në një mjedis të sigurt dhe ata që e kërcënojnë këtë duhet të mbajnë përgjegjësi”, thuhet në reagimin e Ambasades.

Sipas ambasadës, përpjekjet për të penguar këtë veprim me dhunë, si dhe përdorimi i retorikës nxitëse, shërben vetëm për të ndihmuar ata që kërkojnë të krijojnë ndarje midis komuniteteve në Kosovë./21Media