Ambasada e Kosovës në Hagë me dokumentar për 15-vjetorin e opinionit të GJND-së mbi pavarësinë

Me rastin e 15-vjetorit të vendimit këshillëdhënës të Gjykatës Ndërkombëtare të Drejtësisë (GJND), që konfirmoi se shpallja e pavarësisë së Kosovës nuk përbënte shkelje të së drejtës ndërkombëtare, Ambasada e Republikës së Kosovës në Hagë ka publikuar një dokumentar të veçantë.

Kjo ambasadë vlerëson rëndësinë vazhdueshme të këtij vendimi historik, duke e cilësuar atë si një moment me peshë të madhe ligjore, politike dhe diplomatike, i cili ende ndikon në diskursin ndërkombëtar.

“Në këtë përvjetor historik, me krenari paraqesim një video dokumentar që reflekton mbi Opinionin Këshillimor të vitit 2010 të Gjykatës Ndërkombëtare të Drejtësisë lidhur me Deklaratën e Pavarësisë së Kosovës”, thuhet në njoftim./21Media