Ambasada e SHBA-ve- OSBE: Ndërprisni të gjitha format e frikësimeve politike
Ambasada e SHBA-ve dhe OSBE u kanë dërguar një mesazh partive politike në Kosovë
Me një deklaratë të përbashkët, Ambasada e SHBA-ve dhe OSBE i kanë ftuar të gjitha partitë dhe subjektet politike të Kosovës t’i ndërpresin të gjitha format e frikësimeve politike.
“Garuesit politik Kosovarë kanë të drejtë elementare demokratike për të zhvilluar fushatë bazuar në idealet e tyre për të ardhmen e kësaj shoqërie dhe duhen të jenë në gjendje ta ushtrojnë këtë të drejtë pa qenë të kërcënuar apo të frikësuar”, thuhet në deklaratën e tyre.
Po ashtu në deklaratën e përbashkët të tyre thuhet se ata ftojnë të gjithë liderët politik që t’i refuzojnë dhe t’i dënojnë të gjithat format e frikësimeve, kurse nga Task Forca Zgjedhore presin që në përpikmëri t’i hetoj të gjitha raportet e çfarëdo përpjekjeje të marrë për ta manipuluar këtë proces demokratik./21Media