Ambasadori austriak në SHBA për protestën në Beograd: Bota do ta kujtojë këtë

Ambasadori i Austrisë, Martin Weiss në SHBA ka reaguar në rrjetin “Twitter” pas protestës të së premtes në Beograd në përkrahje të Rusisë.
“Pra, ju po protestoni në mbështetje të dikujt që sulmon fqinjin e tij, vret mijëra civilë gjatë procesit, bombardon spitalet dhe kopshtet e fëmijëve. Mirë për ta kuptuar këtë. Bota do ta kujtojë këtë”, tha Ambasadori Weiss duke postuar edhe video nga protesta në Beograd.

So you are protesting in support of someone who assaults his neighbor, kills thousands of civilians in the process, bombs hospitals and kindergardens. Good to know. The world will remember that. https://t.co/w0zJ1C7eS3

— Martin Weiss (@martinoweiss) March 5, 2022

Mijëra njerëz në kryeqytetin serb të Beogradit kanë marrë pjesë në një demonstratë masive për të treguar mbështetjen e pushtimit rus të Ukrainës, transmeton rtv21.tv.
Rreth 4,000 njerëz iu bashkuan marshimit pasi u mblodhën përpara një monumenti të Carit rus Nikolla II, ku luajtën himnin kombëtar rus dhe serb dhe i përshëndetën të dy vendet si kombe vëllezër.
Protestuesit mbanin flamuj rusë dhe fotografi të presidentit Vladimir Putin ndërsa marshuan nëpër qytet drejt ambasadës ruse./21Media