Anija gjigante u largua nga kanali i Suezit

 

Një anije e madhe mallrash që ishte bllokuar në kanalin e Suezit që nga e marta, është raportuar se është zhvendosur.

Kompania e shërbimeve detare “Inchcape” gjithashtu raportoi se anija është liruar.

Tërheqja e anijes ishte një përpjekje e gjatë që përfshinte varka tërheqëse dhe gërmues.

Kanali, i cili kalon nëpër Egjipt, është një nga rrugët më të ngarkuara tregtare, transmeton rtv21.tv.

Ngecja e anijës Ever Given – pjesë e flotës Evergreen – bëri që anijet e tjera iu duhej të ri-drejtoheshin rreth Afrikës.

Pas disa ditësh dështimi për të liruar anijen, të dielën zyrtarët e kanalit filluan përgatitjen për të hequr rreth 20,000 kontejnerë në bordin e anijes në mënyrë që të lehtësonin ngarkesën.

Rreth 12% e tregtisë globale kalon përmes kanalit 193 km, i cili lidh Detin Mesdhe me Detin e Kuq dhe siguron lidhjen më të shkurtër detare midis Azisë dhe Evropës.

Një rrugë alternative, rreth Kepit të Shpresës në skajin jugor të Afrikës, mund të zgjasë dy javë më shumë./21Media