Anulohet vendimi për shkarkimin e u.d. të kryeprokurorit Besim Kelmendi

Gjykata Supreme e ka aprovuar si të bazuar ankesën e Besim Kelmendit dhe ka anuluar vendimin e Këshillit Prokurorial të Kosovës (KPK), me të cilin Kelmendi ishte shkarkuar nga pozita e ushtruesit të detyrës së Kryeprokurorit të Shtetit.

“APROVOHET e bazuar ankesa e paraqitur nga Besim Kelmendi, UD. Kryeprokurorit të Shtetit, ANULOHET vendimi KPK.nr.1056/2025, i datës 20.11.2025 si i kundërligjshëm dhe lënda i kthehet Këshillit Prokurorial të Kosovës në rishqyrtim dhe rivendosje”, thuhet në vendimin e siguruar “Betimi për Drejtësi“.