Arrestimi i Maduros, reagon JD Vance: Trump e mendon atë që thotë

Zëvendëspresidenti i SHBA, JD Vance, ka bërë një postim të shkurtër në mediat sociale lidhur me operacionin qe çoi në kapjen e presidentit të Venezuelës Nicolas Maduro.

Vance ka publikuar një postim në X ku thotë se arrestimi i Maduros tregon qartë se Presidenti Trump e mendon atë që thotë.

‘Presidenti ofroi disa kompromise, por ishte shumë i qartë gjatë gjithë këtij procesi: trafikimi i drogës duhet të ndalet dhe nafta e vjedhur duhet t’u kthehet Shteteve të Bashkuara. Maduro është personi më i ri që zbulon se Presidenti Trump e mendon atë që thotë.

Urime operatorëve tanë të guximshëm specialë që realizuan një operacion vërtet mbresëlënës’, shkruan JD Vance.

SHBA-të e arritën vetëm “pjesërisht” atë që kishin ndërmend të bënin duke sulmuar Venezuelën, tha zëvendëspresidenti i vendit për Politikën, Sigurinë Qytetare dhe Paqen, Diosdado Cabello.

“Ajo që u përpoqën të arrinin me bombat dhe raketat që lëshuan, ia dolën vetëm pjesërisht. Dhe them pjesërisht sepse prisnin që njerëzit ndoshta të iknin të egër dhe frikacakë. Jo”, tha ai me sfidë, ndërsa fliste me forcat e sigurisë, shkruan CNN.

Operacioni amerikan në Venezuelë ka shkaktuar vdekje dhe lëndime në mesin e popullatës lokale, por numri i saktë është ende i paqartë, sipas New York Times.

Ndërkohë, BE ka bërë thirrje për përmbajtje ndaj Venezuelës, duke respektuar Kartën e OKB-së.