Arrestohen dy shqiptarë në Itali

 

Dy të rinj shqiptarë kanë rënë në prangat e policisë italiane ditën sotme. Sipas raportimeve të mediave vendase bëhet me dije se shqiptarët i përkasin moshave 24 dhe 28-vjeç.

Të dy personat ishin emra të njohur për policinë e Firences. Gjatë kontrollit të makinës dhe shtëpisë së tyre janë sekuestruar 9 doza kokainë, 134 gramë hashash  si dhe 970 euro kesh që mendohet se janë përfituar nga aktiviteti kriminal.

Kontraktori i tyre ishte një shtetas italian. Ata janë dërguar në burgun Sollicciano në Firence./oranews