Arrestohen katër persona, gjenden armë dhe drogë

Katër persona janë arrestuar në Çair dhe Butel të Maqedonisë së Veriut.
Me datë 17.16.09.2022 në periudhën nga ora 20:00 deri në ora 01:00 në zonën e Komunës Çair dhe Butel, duke vepruar sipas planit operativ, zyrtarët policorë të Komisariateve të Policisë Çair dhe Bit Pazar në bashkëpunim me zyrtarë policorë nga Njësia për Siguri në Komunikacionin Rrugor, Njësiti për Ndërhyrje të Policisë, Departamenti për Policinë Kriminale, Njësiti për Tregti Ilegale dhe Njësiti për Shpërndarje të Shpejtë kanë zbatuar masa të përforcuara dhe ndaluar katër persona, njoftoi MPB.
S.C. (42) nga Shkupi është privuar nga liria në orën 00:50 të natës në rrugën “Bosnja e Hercegovina”, pasi i janë gjetur dhe marrë një pistoletë “Glock 9×19”, dy korniza për pistoletën dhe 30 fishekë të kalibrit 9 mm.
Në të njëjtën natë në orën 01:00 në Blv. “Krste Misirkov”, A.Q.(24) nga Shkupi është privuar nga liria për shkak se i është gjetur dhe konfiskuar marihuana.
Në stacionin policor janë ndaluar SD (25) nga fshati Grçec i Shkupit dhe E.J.(42) nga Shkupi. S.D. është arrestuar mbrëmë në orën 22:00 në rrugën “Kemal Sejfula”, pasi i janë gjetur dhe marrë një revole “Taurus in” dhe shtatë fishekë të kalibrit 9 mm. E.J. është ndaluar në të njëjtën kohë në rrugën “Cetinska”, pasi i janë gjetur dhe marrë një pistoletë “Sig Sauer” dhe dy korniza me fishekë të kalibrit 17 dhe 15 të kalibrit 9 mm, shkruan TV21./21Media