Arrestohet një person për vjedhje të rëndë në Gjilan

Një person është arrestuar të martën në Gjilan nën dyshimin për dy raste të vjedhjeve të rënda, raste këto të ndodhura gjatë muajit shkurt.

Kështu është bërë e ditur në njoftimin e Policisë Rajonale të Gjilanit, njofton rtv21.tv.

“I dyshuari është intervistuar në prezencën e avokatëve mbrojtës dhe me vendim të Prokurorit të Shtetit është ndaluar në qendrën e mbajtjes për 48 orë”, thuhet në njoftimin e policisë.

Tutje bëhet e ditur se rasti me kallëzim penal procedohet në Prokurorinë Themelore./21Media