Arrijnë në Kosovë dozat e para të vaksinës Pfizer

 

 

Ministria e Shëndetësisë ka pranuar sot 4 mijë e 680 doza të vaksinës Pfizer/Biontech kundër COVID-19, pjesë e parë e 95 mijë dozave të cilat Bashkimi Evropian i ka ndarë për Kosovën, në kuadër të mbështetjes së vendeve të Ballkanit Perëndimor në vaksinimin kundër COVID-19.

Me rekomandim të Komitetit për vaksinim kundër COVID-19, MSH ka thënë se këto doza të vaksinës Pfizer/Biontech do të përdoren për vaksinimin e punëtorëve shëndetësor, të cilët nuk kanë mundur të vaksinohen në fazën e parë të vaksinimit për arsye shëndetësore për çka duhet të kenë dëshmi.

Vaksinimi do të rifillojë nesër, e mërkurë 5 maj 2021 me punëtorët shëndetësor nga e tërë Kosova, të cilët do të vaksinohen në sallën “1 Tetori” në Prishtinë, duke filluar nga ora 10:00. ​/21Media