Arsenali tregon fuqinë edhe ndaj Evertonit, tre pikë të reja për “Topçinjtë”

Pasi mposhti Aston Villa-n me rezultat 4-2 javën e kaluar, Arsenali ka regjistruar një tjetër fitore të madhe në Premier Ligë duke e mposhtur kësaj radhe skuadrën e Evertonit.
Skuadra e Mikel Artetas tregoi superioritetin ndaj rivalit të tyre në fushë që nga minuta e parë e ndeshjes e deri në përfundim të saj, derisa në fund rezultati ishte 4-0 për skuadrën e Mikel Artetas.
Nga dy gola në secilën pjesë i mjaftuan vendasve për të treguar se mbeten kandidati më serioz në luftën për titullin kampion në këtë edicion. Dy gola brenda pesë minutave në fund të pjesës së parë të realizuara nga Saka dhe Martinelli treguan se londinezët duan tre pikë të plota.
Edhe në pjesën e dytë u realizuan dy gola të tjerë përmes Martinellit dhe Odegaaardit për ta vulosur kështu një fitore fare të lehtë e cila e dërgon Arsenalin në kuotën e 60 pikëve, pesë më shumë se Manchester City.