As ministri i jashtëm gjerman nuk i shkon në zyre Kurtit, takimi mbahet në Kuvend

Kryeministri në detyrë i Republikës së Kosovës, Albin Kurti, takon ministrin e Punëve të Jashtme të Gjermanisë, Johann Wadephul.

Takimi i tyre nuk do të mbahet në ndërtesën e qeverisë, por në atë Kuvendit.

“VENDI: Ndërtesa e Kuvendit të Kosovës, salla C301. KOHA: 15:35”, thuhet në njoftimin e Zyrës së Kryeministrit.

Kujtojmë se Bashkimi Evropian ka marrë vendim që zyrtarët e evropiane nuk do të zhvillojnë takime brenda ndërtesës së Qeverisë, deri sa Kosova të ketë një qeveri me mandat të plotë./21Media