Asgjë nuk ka ndryshuar në Mariupol

Asgjë nuk ka ndryshuar thelbësisht në Mariupol dhe trupat ruse nuk kanë qenë në gjendje të largojnë luftëtarët ukrainas, të cilët kanë injoruar dy ultimatumet e fundit për t’u dorëzuar – nga fabrika e çelikut atje.

Por kjo nuk e pengoi Vladimir Putinin të shpallte fitoren, duke uruar ministrin e tij të mbrojtjes për pushtimin me sukses të qytetit, transmeton rtv21.tv

Televizioni shtetëror e ka ritransmetuar këtë takim gjatë gjithë ditës, veçanërisht në pjesën ku Putin shpalli fitoren.

Është një pjesë e PR klasike të Kremlinit, e krijuar për të siguruar rusët se gjithçka po shkon sipas planit – jo se ata kanë nevojë për siguri, duke pasur parasysh breshërinë e përditshme të raporteve zyrtare optimiste për suksesin e “operacionit special ushtarak”.

Por, ndërsa ai dha urdhra për një strategji të re në fabrikën e çelikut Azovstal, rusët panë gjithashtu një paraqitje të rrallë të Vladimir Putinit, komandantit të përgjithshëm. Ka javë që kur ai u pa për herë të fundit duke drejtuar publikisht operacionin ushtarak.

Ndoshta Putin, i cili vazhdimisht e ka cilësuar Ukrainën dhe Perëndimin si një kërcënim për sigurinë ruse, ndjeu nevojën për të siguruar rusët se ai – personalisht – është në kontroll.

Presidenti mund të jetë përpjekur të portretizojë vendin e tij si viktimë për të justifikuar luftën e tij, por ai nuk do që dikush të mendojë se është e dobët.

Nuk është rastësi, ndoshta, që mbrëmë ai njoftoi se Moska kishte testuar një raketë balistike ndërkontinentale, e cila, siç tha ai, do t’i bënte armiqtë e Rusisë të mendoheshin dy herë./21Media