Atiq: Betohem se do të kryej detyrat e mija në mënyrë të pa anshme, me ndërgjegje
(Lajm i përditësuar)
Erden Atiq ka dhënë betimin si kryetar i Mitrovicës së Veriut sot në një mbledhje të kryesisë së Kuvendit komunal.
Kryetari i Kuvendit Komunal, Nexhat Ugljani, ka thënë se janë plotësuar të gjitha kushtet për të vazhduar procedura e betimit.
Atiq doli fitues në zgjedhjet e jashtëzakonshme të mbajtura më 23 prill ku pjesëmarrja ishte vetëm 3.47 për qind, dhe ai fitoi rreth 66 për qind të votave.
“Unë Erden Atiq betohem se do të kryej detyrat e mija dhe do ti ushtroj kompetenca e mija si kryetar i komunës veriore, me nder, besnikëri, në mënyrë të pa anshme, me ndërgjegje dhe në pajtim me ligjin në mënyrë që të siguroj kushtet për një jetë të qetë”- ka thënë Atiq gjatë momenti të betimit.
Në komunën e Mitrovicës veriore pas pak do të bëhet mbledhja e kryesisë së Kuvendit komunal ku do ta bënë betimin kryetari i kësaj komune Erden Atiq nga radhët e Lëvizjes Vetëvendosje.
Ekipi i RTV21 po sjell pamje nga atje ku shihet se Atiq tashmë ka mbërritur në objektin e komunës.
View this post on Instagram
Gjithçka gati për betimin e kryetarit të ri të Mitrovicës së Veriut
Kanë mbetur më pak se një orë nga fillimi i mbledhjës së kryesisë së Kuvendit komunal të Mitrovicës së Veriut ku do ta bënë betimin kryetari i kësaj komune Erden Atiq nga radhët e Lëvizjes Vetëvendosje.
Gazetari i RTV 21 Venhar Isufi sjell pamje nga salla ku shihet se gjithçka është gati.
Në sallë tashmë është vendosur edhe Flamuri i Kosovës.
View this post on Instagram
Edhe KFOR po monitoron situatën afër Komunës së Mitrovicës së Veriut
Afër komunës së Mitrovicës së Veriut për çështje të sigurisë, situata po monitorohet edhe nga KFOR-i.
Para betimit të kryetarit të ri, në Mitrovicë të Veriut edhe EULEX-i
Në Komunën e Mitrovicës së Veriut ku në ora 11 pritet të bëhet betim i kryetarit të kësaj komune Erden Atiq nga radhët e Lëvizjes Vetëvendosje, i pranishëm tashmë është edhe EULEX-i.
Para betimit të kryetarit, situatë e qetë në Mitrovicë të Veriut
Në orën 11 sot në komunën e Mitrovicës veriore do të bëhet mbledhja e kryesisë së Kuvendit komunal ku do ta bënë betimin kryetari i kësaj komune Erden Atiq nga radhët e Lëvizjes Vetëvendosje.
Ekipi i RTV21 po qëndron në veri të Mitrovicës nga ku po raporton se atje është situatë e qetë.
Bëhet e ditur se po kontrollohet çdo person që po qendron para komunës nga Policia.
Sot betohet kryetari i ri i Mitrovicës së Veriut
Në komunën e Mitrovicës veriore sot do të bëhet mbledhja e kryesisë së Kuvendit komunal ku do ta bënë betimin kryetari i kësaj komune Erden Atiq nga radhët e Lëvizjes Vetëvendosje.
Erden Atiq do ta bëjë i pari betimin nga gjithsej 4 kryetarët që dolën nga zgjedhjet në veri.
Betimi i kryetarit të ri do të bëhet në objektin e Komunës së Mitrovicës së Veriut dhe nuk ka pikë tjetër në rendin e ditës.
Që procesi në ditën e betimit të kryetarit Erden Atiq, do të përcillet pa ndonjë incident, plan operacional ka marrë edhe Policia e Kosovës në veri./21Media
