Atletët kosovarë sulmohen nga serbët në veri, të gjithë janë mirë

 

Grupi “Kosovo Mountain Club” që eksplorojnë malet e vendit janë sulmuar nga serbët në veri. Ky grup sot ishte duke ecur në vendin e quajtur Shijak i Bubes që është në veri të Kosovës.

Disa serbë kanë shkrepur plumba në drejtim të atletëve kosovarë. Grupi “Kosovo Mountain Club”, ka njoftuar në Facebook se të gjithë jenë mirë dhe të sigurt pas incidentit që ndodhi.

“Tani po vazhdojmë ecjen në Shalë të Bajgores. Ecja sot ka qenë e lajmëruar në institucionin përkatës. Ju faleminderit që treguat shqetësim dhe kujdes”, është  shkruar nga grupi.

Kjo ngjarje e klubit të atletëve kosovarë ishte paralajmëruar që 5 ditë. Pjesë e këtij grupi ishte edhe ish-deputetja, Donika Kadaj-Bujupi./kp