Baerbock: Anëtarësimi i Ballkanit Perëndimor në BE, “domosdoshmëri gjeopolitike”
Ministrja e Jashtme gjermane, Annalena Baerbock, nga Sarajeva tha se përfshirja e gjashtë vendeve të Ballkanit Perëndimor në Bashkimin Evropian është “domosdoshmëri gjeopolitike” që do ta bënte Evropën më të fortë karshi operacionit ushtarak të Rusisë në Ukrainë.
Në një konferencë për media, Baerbock tha se Rusia, përveç sulmeve me bomba, dronë e forma të tjera mbi popullatën civile të Ukrainës, është përfshirë në luftë hibride edhe në Ballkanin Perëndimor, njofton agjencia “AP”.
Ajo e shprehu bindjen se Evropa do të dalë më e fuqishme po qe se të gjashtë vendet e Ballkanit Perëndimor – Kosova, Shqipëria, Serbia, Bosnjë-Hercegovina dhe Mali i Zi – bëhen pjesë e Bashkimit Evropian. Bosnja është një prej vendeve më të brishta në Ballkan, duke u përballur ende me ndasi etnike.