Bashkohen në Kuvend ish-deputetet e legjislaturave të mëparshme

Në Kuvendin e Kosovës ka nisur seanca shënjuese me ish-deputetet e legjislaturave të mëparshme.

Kryetari i Kuvendit, Glauk Konjufca, në fjalimin e tij tha se gratë kanë dhënë kontribut e shembull të jashtëzakonshëm

Në seancë janë parë ish-deputete si Kaqusha Jashari, Flora Brovina, Besa Gaxherri e të tjera.

Ish-deputetja, Flora Brovina tha ” Rruga jonë deri tek këto ulëse nuk ka qenë e lehtë. Askush nuk na i dhuroi këto ulëse sepse jemi gra, por ishte dëshira të marrim pjesë në çdo lëvizje”.

Ndryshe, seanca është thirrur nga Grupi Grave Deputete të Kuvendit të Republikës së Kosovës ku tema është “Historia e deputeteve në Kuvendin e Kosovës – përparim dhe proces”.