Baza ajrore e Krimesë është dëmtuar rëndë
Imazhet satelitore tregojnë dëme të mëdha dhe një numër avionësh luftarakë rusë të shkatërruar në një bazë ajrore në Krime pas shpërthimeve këtë javë.
Baza e Saky në perëndim të Krimesë së sunduar nga Rusia u trondit nga një varg shpërthimesh të martën, ku mbeti i vdekur një person.
Pistat e bazës duken të paprekura, por të paktën tetë avionë duken të dëmtuar ose të shkatërruar, përcjell rtv21.tv
Ukraina nuk e ka marrë përgjegjësinë, por këto prova të reja sugjerojnë mundësinë e një sulmi të synuar, raporton BBC
Imazhet nga Planet Labs, me bazë në Shtetet e Bashkuara të Amerikës, tregojnë zona të mëdha të tokës së djegur të mbetura nga zjarret që shpërthyen.
Shumica e avionëve të dëmtuar ose të shkatërruar janë në një zonë të caktuar të bazës ku një numër i madh avionësh ishin parkuar.
Imazhet para dhe pas nga Planet Labs, që monitorojnë qindra burime satelitore mbi Ukrainë, janë konfirmimi i parë i pavarur se baza mund të jetë dëmtuar. Deri më tani, detajet rreth shtrirjes së ndikimit të shpërthimeve kanë qenë të pakta. Por ende nuk është e qartë se si është dëmtuar baza apo nga çfarë.
Rusia këmbëngul se shpërthimet u shkaktuan nga shpërthimi i municioneve në një dyqan për shkak të shkeljes së rregullave të sigurisë nga zjarri.
Ukraina nuk e ka marrë përgjegjësinë dhe ministri i saj i mbrojtjes sugjeroi se ushtarët e pakujdesshëm rusë mund të jenë fajtorë./21Media