”BE-ja duhet ta ndihmojë Kosovën”

Sot në Prishtinë është hapur  konferenca internacionale “Sfidat e Integrimit Evropian të Kosovës: bashkëpunimi rajonal dhe marrëdhëniet fqinjësore”

Konferenca është hapur nga zëvendësministrja e Integrimit Evropian, Anila Statovci -Demaj së bashku me Sekretarin Gjeneral të Ministrisë së Evropës, Integrimit dhe Punëve të Jashtme të Austrisë, Michael Linhart, përfaqësueses së BE-së në Kosovë, Nataliya Apostolova si dhe ambasadori italian, Piero Cristoforo Sardi.

Statovci-Demaj theksoi se është e rëndësishme për Kosovën të ndërtojë marrëdhënie të mira me shtetet fqinje të Ballkanit, po ashtu duke e marrë parasysh që Ballkani gjithmonë ka qenë pikë e dobët e BE-së ndër vite, është edhe në interesin e tyre të ndihmojnë në ndërtimin e marrëdhënieve të mira mes këtyre shteteve.

Zëvendësministrja tha se Kosova si një shtet i ri, ka përparuar shumë në detyrat e dhëna nga BE-ja, por në këtë aspekt duhet edhe ndihmë me e madhe nga ata për t’i përmbushur detyrat tjera.

Konferenca është organizuar nga Qendra Austriako-Franceze për rivendosjen e marrëdhënieve shoqërore në Evropë në bashkëpunim me institutin GAP, Institutin Francez për Marrëdhënie Ndërkombëtare dhe Grupin për Studime Juridike dhe Politik./21Media

Back to top button