Bie nga ballkoni i ndërtesës, vdes një person në Viti
Rrethanat janë ende të panjohura për policinë
Policia e Kosovës raporton se mbrëmjen e kaluar një mashkull në rrethana ende të panjohura, ka rënë nga ballkoni i një ndërtese.
Viktima është dërguar në shtëpinë e shëndetit në Viti dhe nga personeli mjekësor është konstatuar se viktima nuk ka shenja jete.
Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.