Blinken: Planet e Kinës për të aneksuar Tajvanin po lëvizin shumë më shpejt

Qeveria e Kinës po ndjek planet e saj për të aneksuar Tajvanin në një afat kohor shumë më të shpejtë nën drejtimin e Xi Jinping, ka thënë sekretari amerikan i shtetit, Antony Blinken, duke përsëritur paralajmërimet për përçarje ekonomike globale nëse Tajvani merrej nën kontroll.
Komentet e Blinken vijnë ndërsa partia komuniste në pushtet e Kinës takohet për kongresin e tyre dy herë në dekadë, takimi më i rëndësishëm i ciklit të saj politik.
Në një fjalim të dielën, Xi Jinping bëri të qartë se planet e tij për Tajvanin mbeten thelbësore për planet e tij për “përtëritjen” e Kinës, raporton The Guardian
Në bisedë me ish-sekretaren e shtetit Condoleezza Rice në Universitetin e Stanfordit të hënën, Blinken tha se paqja dhe stabiliteti midis Kinës dhe Tajvanit ishin ruajtur me sukses për dekada, por Pekini kishte ndryshuar qasjen e tij.
“Në vend që të qëndrojë me status quo-në që u krijua në një mënyrë pozitive, [Pekini ka marrë] një vendim thelbësor që status quo-ja nuk është më e pranueshme dhe Pekini është i vendosur të ndjekë ribashkimin në një afat kohor shumë më të shpejtë”, tha Blinken.
“Nëse mjetet paqësore nuk do të funksiononin, atëherë do të përdornin mjete shtrënguese, dhe ndoshta nëse mjetet shtrënguese nuk funksionojnë, atëherë ndoshta mjete të forta për të arritur objektivin e tyre. Kjo është ajo që po prish thellësisht status quo-në dhe po krijon tensione të jashtëzakonshme”, shtoi Blinken./21Media