Blinken takohet me Xi gjatë vizitës në Kinë

Presidenti Xi Jinping e priti në takim diplomatin më të lartë amerikan, Antony Blinken ndërsa ky i fundit mbyll një takim të rëndësishëm në Kinë.

Blinken është zyrtari më i lartë amerikan që është takuar me Xi që nga viti 2018.

Presidenti kinez ka thënë gjithashtu se shpreson se Blinken do të japë “kontribute më pozitive” në stabilizimin e marrëdhënieve Kinë-SHBA, përcjell rtv21.tv.

“Ndërveprimet shtet-shtet duhet të bazohen gjithmonë në respektin dhe sinqeritetin reciprok”, tha Xi.

“Shpresoj që përmes kësaj vizite, zoti Sekretar, do të jepni kontribute më pozitive në stabilizimin e marrëdhënieve Kinë-SHBA”./21Media