Bodybuilderi akuzohet për vrasjen ish-bashkëshortes

Bodybuilderi Ian Christopher Baunach akuzohet për vrasjen e ish-bashkëshortes, Katie Baunach.
43-vjeçari akuzohet se ka djegur trupin e ish-bashkëshortes në oborr të shtëpisë, pasi detektivët gjetën mbetje njerëzore në një grumbull të djegur, duke përfshirë një kockë nofull, sipas TMZ Sports.
Ai gjithashtu përballet me 12 akuza për posedim të substancave të kontrolluara pa recetë, pasi një kontroll në shtëpinë e tij gjeti një numër të madh steroidesh, të cilat ai pranoi se i përkisnin, sipas Paul Dolan nga WINK News.
Gjithashtu, gjatë kontrollit katërditor policia gjeti edhe armë në shtëpinë e të dyshuarit.

Katie u zhduk më 29 shtator, kur një mikut i kishte thënë se do të shkonte në shtëpinë e Ian-it për të marrë gjërat e saj dhe nuk u kthye më. Ajo kishte paraqitur më parë një urdhër ndalimi duke e akuzuar atë për abuzim me një nga fëmijët e tyre.
Policia e pa gjithashtu makinën e saj të parkuar në rrugë kur vizitoi shtëpinë e Ian-it më 30 shtator.
Ian Baunach u deklarua i pafajshëm për akuzën e vrasjes, vetëm duke pranuar që të dy u grindën për një grua tjetër, sipas TMZ. Ai po mbahet në burgun e qarkut Hendry./21Media