Brazili, pa Neymarin kundër Zvicrës

Brazili do të jetë pa sulmuesin e tyre, yllin Neymar për ndeshjen e dytë të fazës së grupeve të Kupës së Botës kundër Zvicrës për shkak të një dëmtimi në kyçin e këmbës, tha të premten federata braziliane (CBF).

Neymar pësoi lëndim në kyçin e këmbës së djathtë gjatë fitores hapëse 2-0 të së enjtes kundër Serbisë dhe u largua nga fusha në minutën e 79-të. Në vitin 2019, i njëjti dëmtim e përjashtoi lojtarin nga Kupa e Amerikës.

Mbrojtësi i djathtë Danilo do të mungojë gjithashtu në ndeshjen e Zvicrës, tha CBF, duke i hapur rrugë veteranit Daniel Alves.

“Ne tashmë mund të themi se nuk do t’i kemi të dy lojtarët për ndeshjen tonë të ardhshme”, tha mjeku i ekipit Rodrigo Lasmar.

Lasmar tha pas ekzaminimeve se Neymar kishte pësuar dëmtim të ligamentit. Të dy lojtarët tani do t’i nënshtrohen fizioterapisë së gjerë në një përpjekje për të qenë të aftë në kohë për pjesën tjetër të garës.

“Është shumë e rëndësishme për ne që të qëndrojmë të qetë”, tha Lasmar.

Sipas mediave në Brazil Neymar dhe Danilo mund të humbasin gjithashtu ndeshjen e fundit të fazës së grupeve kundër Kamerunit më 2 dhjetor, por kjo nuk u konfirmua nga CBF.

Brazili, pesë herë fituesi rekord, është ndër favoritët kryesorë për të ngritur trofeun më 18 dhjetor në turneun e Katarit.

Neymar ende nuk e ka fituar Kupën e Botës. Në turneun e vitit 2014 në Brazil ai u dëmtua në çerekfinale kundër Kolumbisë dhe në mungesë të tij Brazili u rrëzua në një humbje historike gjysmëfinale 7-1 kundër Gjermanisë.

Brazili dhe Zvicra kanë secili nga tre pikë në Grupin G deri më tani, me Brazilin që qëndron në vendin e parë me një diferencë golësh +2./21Media

Artikuj të ngjashëm

Back to top button
close button