Brenda ditës arrestohen 5 burra që ushtruan dhunë në familje

Policia e Kosovës ka arrestuar pesë burra të mërkurën, të cilët dyshohet se ushtruan dhunë në familje.
Arrestimi i parë është bërë në Prishtinë rreth orës 15:00. I arrestuari dyshohet se më datë 21.08.2021 kishte sulmuar fizikisht bashkëshorten e tij. Me vendim të prokurorit, i dyshuari pas intervistimit është dërguar në mbajtje.
Pas rreth një ore, Policia ka arrestuar një person nga fshati Bervenik në Podujevë.
I dyshuari më datë 21.08.2021, rreth orës 15:55, kishte ushtruar dhunë në familje. I njëjti pas intervistimit me vendim të prokurorit është dërguar në mbajtje.
Më pas në orën 18:00, është arrestuar një person në Prishtinë, pasi më datë 25.08.2021 kishe sulmuar fizikisht bashkëshorten e tij.
Kjo e fundit është dërguar në strehimore, ndërsa i dyshuari në mbajtje.
Arrestimi i katërt për dhunë në familje është bërë në Prizren.
Rreth orës 19:22 është arrestuar i dyshuari, pasi që nën ndikim të alkoolit ka ushtruar dhunë ndaj të birit të tij. Me vendim të prokurorit, i dyshuari është dërguar në mbajtje.
Poashtu në orën 20:40 është arrestuar një tjetër person në Prizren.
Një burrë që kishte ushtruar dhunë ndaj bashkëshortes së tij, fillimisht është ndalur në ndalim policor dhe më pas është liruar në procedurë të rregullt.
Gjatë të mërkurës në Polici në Gjilan është raportuar një rast i dhunës.
Viktima ka informuar se burri i saj ka ushtruar dhunë psikike ndaj saj. Me vendim të prokurorit, rasti shkon në procedurë të rregullt./21Media