Cardi B pranon fajësinë për përleshjen në një klub në New York

Cardi B ka pranuar se ishte përfshirë në një përleshje në një klub striptizi, si pjesë e një marrëveshjeje që do të thotë se ajo do të shmangë gjyqin dhe burgimin e mundshëm.
Reperja fituese e çmimeve Grammy, u deklarua fajtore për sulm të shkallës së tretë dhe rrezikim të pamatur të shkallës së dytë dhe u dënua me 15 ditë shërbim në komunitet.
Dhjetë akuza të tjera u hodhën poshtë.
“Kam marrë disa vendime të këqija në të kaluarën time, me të cilat nuk kam frikë t’i përballoj dhe t’i pranoj”, tha ajo në një deklaratë.
Në gjykatë, 29-vjeçarja pranoi organizimin dhe pjesëmarrjen në dy sulme ndaj punonjësve të klubit të natës Angels në New York në vitin 2018.
Sipas autoriteteve, incidentet erdhën pas një grindjeje mes Almanzar dhe dy motrave – njëra prej të cilave ajo besonte se kishte një lidhje me bashkëshortin e saj, reperin Offset.
Prokurorët thanë se natën e parë, reperja dhe shoqëruesja e saj goditën viktimën, duke i tërhequr flokët, duke e goditur me grushte dhe duke e përplasur kokën në lokal.
E pyetur për të konfirmuar detajet në gjykatë, ajo e bëri këtë në heshtje, duke pranuar se i kishte ofruar një shoku 5,000 dollarë (4,000 £) në Instagram për ta ndihmuar atë në konfrontim.
Përveç shërbimit në komunitet, reperja është urdhëruar të qëndrojë larg viktimave, të identifikuar si Jade dhe Baddie Gi, për tre vjet.
Ajo e pranoi marrëveshjen për pranimin e fajësisë një ditë përpara se çështja të dilte në gjyq, raporton New York Times./21Media