Cardi B zbulon pse asnjëherë nuk punësoi një dado për të bijën

Cardi B ka thënë se ajo kurrë nuk ka punësuar një dado për vajzën e saj katërvjeçare.
Ajo tutje tregoi se ka frikë që njerëzit e tjerë të jenë pranë fëmijës së saj.
Reperja 29-vjeçare foli për vajzën e saj dhe djalin 10-muajsh, Wave – të cilin e ndan me bashkëshortin Offset – gjatë një interviste të fundit me Vogue Singapore.
Ajo tregoi se si bashkëmoshatarët e saj i thanë se sa e vështirë do të ishte amësia para se të bëhej nënë, por se ajo nuk ishte e shqetësuar në atë kohë, pasi mendonte se do të ishte “e lehtë” dhe se do të “kishte një dado”.
“Nuk kishte shumë artistë atje që kishin fëmijë në fillim të karrierës së tyre. Nuk kisha asnjë album kur mora vesh se isha shtatzënë”, ka shpjeguar këngëtarja e “Bodak Yellow”.
“Të gjithë ishin kaq nervoz për karrierën dhe të ardhmen time, por unë vazhdova t’u thosha: ‘Është e lehtë. Më beso, unë do të kem një dado dhe ajo do të udhëtojë lart e poshtë me mua. Nuk do të jetë as sherr”, shtoi Cardi.
Megjithatë, ajo pranoi se sapo lindi fëmija i saj, ajo vendosi të mos merrte dado, pasi ishte nervoze që anëtarët jo të familjes të ishin rreth fëmijës së saj.
“Kur foshnja erdhi në jetë, as që mund të mendoja të merrja një dado sepse kisha frikë se dikush do të ishte pranë saj përveç familjes sime. Nuk kam pasur kurrë dado për fëmijën tim”, vazhdoi ajo.
Artistja vazhdoi duke thënë se familja e bashkëshortit të saj kanë qenë një mbështetje e madhe dhe se nëna e saj është kujdesur për të voglën e saj në shumë raste.
Megjithatë, ajo zbuloi se nuk udhëton kurrë shumë larg fëmijëve të saj për shkak të “përgjegjësisë së saj si nënë”./21Media