Çfarë ndodh nëse një grua lind në aeroplan?
Ndonëse nuk ka ndonjë deklaratë zyrtare për këtë, dihet se rreth 60 foshnja kanë lindur në qiell dhe ndaj quhen “Të lindur në qiell”, ose “Të lindur në ajër”.
Një avion nuk është dhoma e lindjes për të cilën një nënë e ardhshme do të ëndërronte, por mund të ndodhë, dhe ka ndodhur në të kaluarën, e në disa raste, i porsalinduri merrte dhurata dhe privilegje të veçanta.
Por, çfarë ndodh kur një nënë sjellë në jetë një foshnjë gjatë udhëtimit me aeroplan?
I takon ekuipazhit të vendosë nëse nevojitet një ulje emergjente
Edhe pse shumica e linjave ajrore tani kanë vendosur kufizime se deri kur mund të udhëtojë një grua shtatzënë (zakonisht jo më vonë se 38 javë ose 30 ditë përpara datës së caktuar dhe të konfirmuar me shënimin e mjekut), mirëpo mund të ndodhin të papritura.
Edhe pse është e rrallë, nëse një grua nis të ketë dhimbje lindjeje, stjuardesat nuk janë të trajnuar për të lindur bebe. Kështu që në atë moment, të gjithë do të shpresojnë që të ketë një mjek ose një infermiere në fluturim.
Nëse nuk ka asnjë profesionist mjekësor në bord, stjuardesat do të veprojnë si mami dhe do të lindin fëmijën. Kjo ka të ngjarë të ndodhë nëse nuk ka asnjë mënyrë që ata të bëjnë një ulje emergjente.
Nuk ka asnjë rregull që vlen për shtetësinë e foshnjës
Ndërsa rregullat nuk janë të vendosura dhe mund të ndryshojnë në varësi të linjës ajrore dhe territorit mbi të cilin fluturon avioni, një gjë është e sigurt: foshnja do të marrë të njëjtën shtetësi si nëna dhe babai i tij.
Dy mundësitë e tjera janë që foshnja të marrë nënshtetësinë e vendit ku është regjistruar avioni ose ku ndodhet avioni në momentin e lindjes. Për shembull, nëse një foshnjë lind në ndonjë pjesë të territorit të SHBA, qoftë edhe në ajër, ai do të marrë menjëherë shtetësinë amerikane. Por nëse një fëmijë lind në hapësirën ajrore britanike, ai nuk do të marrë dokumente në Mbretërinë e Bashkuar.
Disa linja ajrore mund t’i japin fëmijës bileta falas
Ka disa thashetheme që qarkullojnë se foshnjat që kanë lindur në aeroplan marrin fluturime falas për një jetë të tërë. Fatkeqësisht, ky nuk është rasti për të gjithë. Ka pasur vetëm disa foshnje që kanë marrë fluturime falas për gjithë jetën, si një djalë që u lind në një linjë ajrore indiane dhe një vajzë që u lind në një fluturim Egyptair.
Foshnjet që u lindën në Polar Airlines, AirAsia, Asia Pacific Airlines ose Airways – dhe një fëmijë nga një fluturim i Virgin Atlantic – morën bileta falas deri në moshën 21 vjeçare. Dhe në vitin 2017, një djalë lindi në Spirit Airlines i janë dhënë bileta falas për gjithë jetën.
Në vitin 2019, një fluturim JetBlue u ul me një pasagjer shtesë. Personeli mjekësor në dispozicion dhe ekuipazhi ndihmuan për të lindur një djalë mijëra milje në ajër. Ata e riemëruan aeroplanin “Born to Be Blue” pas foshnjës dhe klientit të tyre më të ri.
Foshnjet, madje mund të marrin dhurata nga linjat ajrore. Në vitin 2018, një vajzë u lind në një fluturim Chick-fil-A. Asaj i dhanë ushqim për jetën dhe madje iu garantua një pozicion pune.
Ka disa arsye pse avioni nuk është vendi ideal për të lindur një fëmijë. Para së gjithash, ajri atje lart është më i hollë, gjë që mund ta vështirësojë frymëmarrjen e foshnjës. Së dyti, në një aeroplan, nuk ka asnjë pajisje të teknologjisë së lartë që do të ndihmojë me lindjen, veçanërisht nëse nevojitet një seksion C urgjent. Gjithashtu, veshët e të porsalindurit mund të kenë vështirësi për shkak të presionit të ajrit.
Edhe pse është shumë e rrallë që lindja të ndodhë në ajër, ekuipazhi do të sigurohet që nëna të ndihet sa më e sigurt dhe sa më rehat. Nëna mund të zhvendoset në një zonë më të gjerë, si klasa e parë ose klasa e biznesit./21Media