Chelsea është kampioni i Kupës së Botës për klube

12 Shkurt, 2022Përditesimi i fundit: 12 Shkurt, 2022

 
Ka përfunduar ndeshja në stadiumin “Mohammed Bin Zayed” ku tanimë është mësuar kampioni i ri i Kupës së Botës për klube.
Pas plot 120’ minutave lojë të zhvilluara, kampioni evropian Chelsea ka arritur të shënojë fitore në finalen e madhe të Kupës së Botës për klube, ku e ka mposhtur me rezultat të ngushtë 2:1 Palmeiran.
Fillimisht, ishte sulmuesi belg Romelu Lukaku ai i cili e zhbllokoi rezultatin i pari në ndeshje, duke kaluar Chelsean në epërsi prej 1:0 në minutën e 55’ të ndeshjes.
Golin e fundit të kohës së rregullt, dhe të barazimit për skuadrën e Palmeiras e shënoi Raphael Veiga nga pika e bardhë në minutën e 64’.
Pas kohës së rregullt u nevojitën vazhdimet, ku “Blutë” e Londrës e gjetën golin e fitores.
Kai Havertz do të jetë heroi i Chelseat në këtë ndeshje, pasi që shënoi golin e fitores nga pika e bardhë, kështu duke ia siguruar skuadrës së Thomas Tuchel këtë titull në minutën e 117’ të ndeshjes.
Ndërkaq, titulli i Kupës së Botës për klube tani i takon Chelseat, ku ky i fundit e fiton për herë të parë në histori të klubit këtë trofe.
Rezultati final i ndeshjes është 2:1 në favor të Chelseat.
Më poshtë mund të gjeni golin e fitores së Havertz për Chelsean.

Tags
12 Shkurt, 2022Përditesimi i fundit: 12 Shkurt, 2022
Back to top button