Cilat janë simptomat dhe komplikimet e venave të zgjeruara, tregon Dr. Driton Parduzi
“Venat varikoze sipërfaqësore janë një nga problemet shëndetësore më të mëdha në botën bashkohore, përfshijnë deri 30% të popullatës së rritur.”, kështu ka bërë të ditur për rtv21.tv kirurgu vaskular, Dr. Driton Parduzi, i cili ka informuar se në ShBA, 25 milionë amerikanë vuajnë nga venat varikoze.
“Incidenca e trombozës së venave të thella është 5 raste në 10.000 banor çdo vit, në ShBA 200000 raste me trombozë të venave të thella”, ka treguar Dr. Parduzi.
Kirurgu vaskular ka informuar se simptomat e venave varikoze janë: venat e zgjeruara, edema rreth zogut të këmbës, dhimbje e regjionit të nëngjurit, krurja përgjatë venave të zgjeruara, hiperpigmentimi i lëkurës. Ndërsa, në fazat e avancuara, sipas mjekut, simptomat janë: gjakederdhja, ulçera venoze.
Dr. Driton Parduzi gjatë intervistës për rtv21.tv ka potencuar se komplikimet e venave varikoze apo sipërfaqësore janë: ulçera venoze, gjakederdhja, thrombophlebiti, lipodermatoscleroza, ndërsa te tromboza e venave të thella, doktori ka informuar se janë: embolia mushkrore, që është jetëkercnuese, nga e cila çdo vit vdesin mbi 300.000 njerëz në ShBA dhe sindroma post trombotike.
Kirurgu vaskular ka treguar se kur duhet të operohen patjetër venat e zgjeruara.
“Kur venat e zgjeruara janë me vena varikoze të mëdha, me ulçerë venoze, varikoflebit dhe gjakederdhje, duhet patjetër të operohen.”, ka shtuar Dr.Parduzi./21Media