Çitaku pas fitores së Trumpit: Është obligim i institucioneve të Kosovës që kultivojnë raportet me aleatin tonë

Nënkryetarja e Partisë Demokratike të Kosovës, Vlora Çitaku ka komentuar zgjedhjet në SHBA, dhe fitoren e Donald Trump ku ka thënë se Demokratë e Republikanë në momentet më kritike kanë qenë në anën e Kosovës.

“Nga Janari, SHBA-të do të udhëhiqen sërish nga administrata Republikane e Presidentit Trump. Demokratë e Republikanë, në momente kritike për ne, kanë qenë në anë tonë.

Është obligim i institucioneve të Kosovës që të mirëmbajnë dhe kultivojnë raportet me aleatin tonë strategjik. E punët tona, nuk na i kryen askush, pos nesh. ”, ka shkruar Çitaku./21Media