City e Chelsea vazhdojnë me fitore në Premier Ligë

Përfunduan ndeshjet që ishin duke u zhvilluar në kuadër të programit të sotëm të Premier Ligës angleze, me ç’rast, ka disa rezultate tejet interesante.
Pas 90’ minutave lojë të zhvilluara në stadiumin “Stamford Bridge”, Chelsea shënoi fitore me rezultat 3:0 kundër Wolverhampton, ku protagonist ishte edhe ylli shqiptar, Armando Broja.
Golat për Chelsean i shënuan Havertz (minuta e 45+3’), Pulisic (minuta e 54’) dhe Broja, ku ky i fundit vulosi fitoren e “Bluve” të Londrës në minutën e 90’ të ndeshjes.
Krahas këtij takimi u zhvillua edhe ndeshja mes Manchester Cityt e Southamptonit, me ç’rast, kampioni anglez regjistroi fitore të thellë me rezultat 4:0. Golat për skuadrën e Pep Guardiolas i shënuan Cancelo (minuta e 20’), Foden (minuta e 32’), Mahrez (minuta e 49’) dhe Haaland (minuta e 65’).
Po ashtu, fitore sot shënoi edhe skuadra e Newcastle United, e cila e shkatërroi Brentfordin me rezultat të thellë 5:1.
Ndërkaq, më poshtë mund të gjeni rezultatet e ndeshjeve që përfunduan në Premier Ligën angleze.
Bournemouth 2:1 Leicester City
Chelsea 3:0 Wolverhampton
Manchester City 4:0 Southampton
Newcastle United 5:1 Brentford