Cristiano Ronaldo nderohet me çmim special nga FIFA

Duar bosh nga ceremonia ‘The Best’ e FIFA-s nuk u larguar as Cristiano Ronaldo.
Ylli portugez përveç që u përfshi në formacionin më të mirë të vitit nga shtëpia e futbollit botëror, ai fitoi edhe një tjetër çmim.
Lojtari 36-vjeçar u nderua nga FIFA si golashënuesi më i mirë i të gjitha kohërave, pasi ka shënuar aktualisht 115 gola ndërkombëtarë me Portugalinë në të gjitha garat.
Ronaldo portugezi po luan me Manchester United dhe është po ashtu golashënuesi i tyre më i mirë në këtë edicion me tetë gola dhe tre asistime.
Çmimin Ronaldos ia dorëzoi presidenti i FIFA-s, Gianni Infantino me ceremoninë që u mbajt në Zurich.

🏆✨ Cristiano Ronaldo is the recipient of #TheBest FIFA Special Award!

🇵🇹 Legend. Winner. Goalscoring machine. @Cristiano. pic.twitter.com/ZnzGMJKCEk
— FIFA World Cup (@FIFAWorldCup) January 17, 2022

Në këtë ceremoni, Robert Lewandowski është shpallur lojtari më i mirë nga FIFA, duke fituar kështu çmimin ‘The Best’ për vitin 2021.