​De Bruyne e informon Manchester Cityn për të ardhmen e tij

Ylli belg Kevin De Bruyne do të qëndrojë në Manchester City dhe do ta refuzojë kalimin në Ligën Pro Saudite për momentin.

Te Manchester City ishin të shqetësuar për largimin e mundshëm të De Bruynes, me një ofertë të madhe që pritet këtë verë nga skuadrat saudite, raporton KosovaPress.

Megjithatë, ai i ka thënë klubit se dëshiron të qëndrojë dhe të shohë vitin e fundit të kontratës së tij, sipas “The Mirror”.

“Është e vështirë të thuhet tani se cila do të jetë lëvizja ime e ardhshme. Ne do të ulemi rreth tavolinës në muajt e ardhshëm. Kam nënshkruar kontratën time në kohën e duhur. Nëse merrni një ofertë të mirë dhe i thoni Pep se doni të largoheni, kjo është e mundur. Kjo mund të jetë ndryshe në klubet e tjera. Por unë kurrë nuk kam treguar se dua të largohem, kam më shumë se sa para. Por nëse vjen një sasi absurde… kjo është edhe për familjen time, të afërmit e mi, nipërit e mbesat e mia, stërnipërit e mi dhe miqtë e mi”, tha De Bruyne.