Diskutohet për themelimin e një Gjykate Komerciale – Tregtare
Ministri Tahiri do marrë pjesë në tryezën e diskutimit me stafin e Fakultetit Juridik
Në kuadër të kampanjës ‘’Drejtësia dhe Biznesi‘, Ministri i Drejtësisë, Abelard Tahiri sot do marrë pjesë në tryezën e diskutimit me stafin akademik të Fakultetit Juridik për themelimin e një Gjykate Komerciale – Tregtare.
Kampanja “Drejtësia dhe biznesi” organizohet nga Ministria e Drejtësisë, në kuadër të Rishikimit Funksional të Sektorit të Sundimit të Ligjit.
Takimi do të mbahet duke filluar nga ora 11:00 në sallën e profesorëve në Fakultetin Juridik të Universitetit të Prishtinës “Hasan Prishtina”.