“Djajtë e Kuq” arkëtojnë pikët e plota kundër Nottinghamit

27 Dhjetor, 2022Përditesimi i fundit: 27 Dhjetor, 2022
United e Nottingham
United e Nottingham

Ka përfunduar ndeshja mes Manchester United dhe Nottingham Forestit, ku nikoqirët kanë arkëtuar pikët e plota.
Pas 90’ minutave lojë të zhvilluara në stadiumin “Old Trafford”, Manchester United e ka mposhtur Nottingham Forestin me rezultat bindës 3:0.
Fillimisht, rezultatin e zhbllokoi Marcus Rashford i cili shënoi në minutën e 19’ për ta kaluar United në epërsi prej 1:0.
Ndërkaq, pas tre minutave “Djajtë e Kuq” arrijnë ta thellojnë epërsinë në 2:0, përmes francezit, Anthony Martial.
Golin e fundit të ndeshjes e shënoi mesfushori brazilian, Fred, i cili e vulosi rezultatin final 3:0 në minutën e 87’.
Me pikët e reja, United zë vendin e pestë në kuotën e 29 pikëve, krahas Nottingham Forest që renditet në vendin e 19-të, respektivisht të parafundit me vetëm 13 pikë të arkëtuara.
Rezultati final i ndeshjes, 3:0 për Manchester United.
Pjesa e parë: United në epërsi kundër Nottingham
Ka përfunduar pjesa e parë në ndeshjen interesante mes Manchester United e Nottingham Forest, ku nikoqirët hyjnë në pushim me epërsi solide.
Pas 45’ minutave lojë të zhvilluara në stadiumin “Old Trafford”, Manchester United po avancon 2:0 ndaj Nottingham Forest.
Të dy golat u shënuan brenda tre minutave, ku fillimisht Marcus Rashford e zhbllokoi rezultatin e ndeshjes me golin e tij në minutën e 19’, kurse Anthony Martial e thellon epërsinë në 2:0 në minutën e 22’.
Pjesa e parë e ndeshjes mbyllet me shifrat 2:0 në favor të United.
21: 30- Dy gola për tre minuta në ndeshjen mes United e Nottingham
Tanimë është zhbllokuar rezultati në përballjen mes Manchester United e Nottingham Forest, ku nikoqirët kanë shënuar dy gola brenda tre minutave.
Manchester United ka kaluar në epërsi prej 2:0 në ndeshjen kundër Nottingham Forest, përmes golave nga Marcus Rashford dhe Anthony Martial.
Rashford e zhbllokoi rezultatin duke shënuar në minutën e 19’ për 1:0, kurse Martial e thellon epërsinë në 2:0 në minutën e 22’.

27 Dhjetor, 2022Përditesimi i fundit: 27 Dhjetor, 2022
Back to top button