“Djali ynë” sonte jepet në Teatrin e Gjilanit

Sonte(29 tetor) në kuadër të Kosovo Theatre Showcase jepet shfaqja “Djali ynë”
Shfaqja nisë në orën 20:00, në Teatrin e Gjilanit.
Sipas njoftimit, “Djali ynë” luhet në gjuhën serbe me titra në gjuhën angleze.
Kjo shfaqje është një projekt me autor dhe regjisor Patrik Laziq.
“Historia fillon si qindra histori të tjera: një nënë, një baba dhe një djalë. Prej vitesh, ndoshta përgjithmonë, në atë familje askush nuk dinte t’i jepte një fjalë të ndershme askujt. Tani djali është rritur, ka shkuar të jetojë sa më larg, ndonjëherë i viziton prindërit, se i do, se i duhen, se shpreson që këtë herë të vijë ajo fjalë e ndershme. Edhe prindërit – e duan djalin e tyre dhe do ta donin edhe më shumë, sikur ta dinin se cili ishte gabimi, cila ishte arsyeja dhe kush e kishte fajin pse fëmija i tyre nuk është “si pjesa tjetër e botës normale”. Pra, gjithçka do të ishte mirë, problemi i vetëm është se djali është tashmë i njëjtë me botën normale. Një histori intime, e sinqertë, poetike, e mprehtë dhe nganjëherë tragjike për prindërit të cilët thellë në vetvete nuk gjejnë mënyra për të pranuar identitetin e djalit të tyre homoseksual, edhe pse mendojnë se kanë provuar gjithçka, mbeten ende robër dashurie të kushtëzuara, për të cilat janë vetëm gati. Projekti origjinal i Patrik Laziqit, një prej regjisorëve më të talentuar të brezit të ri, është një hap serioz artistik më tej – në tekstin që lind nga realiteti e ku kombinohen skena nga e gjithë jeta jonë. Është një histori që fillon si qindra histori të tjera, sepse është dhe ne jemi të gjithë në të”, përshkruhet shfaqja./21Media