Edicioni i 4-të i Kosovo Theatre Showcase nis me shfaqjen “La Rrem”

Edicioni i 4-të i Kosovo Theatre Showcase do të nisë nesër në Teatrin Kombëtar të Kosovës me shfaqjen “La Rrem” të Arian Krasniqit e në regji të Kushtrim Koliqit.
Showcase i këtij viti do të mbahet prej 2 deri më 7 nëntor në Prishtinë, Ferizaj e Gjilan, ndërsa do të bashkojë në Kosovë, rreth 50 drejtues festivalesh, kritikë, gazetarë e profesionistë të tjerë të teatrit nga rajoni e bota, të cilët do të kenë mundësinë të shohin prodhimtarinë më të fundit teatrore në Kosovë.
Shfaqja “La Rrem” është një rekuiem muzikor për aktorin, regjisorin, këngëtarin e kompozitorin Muharrem Qena, ndërsa në vete ngërthen pasionin e artistit për të bukurën e artin.
“La Rrem” i flet botës dhe kësaj kohe, në cilindo rast. Kjo është më shumë se një dramë muzikore: është pasioni e emocioni i një talenti të rrallë të një artisti të madh. Drama e tij është edhe drama jonë”, është bërë e ditur në deklaratën e producentëve të shfaqjes.
Në shfaqjen “La Rrem” luajnë: Malazogu, Ylber Bardhi, Shengyl Ismaili, Arta Selimi, Flaka Latifi, Bujar Ahmeti, Tristan Halilaj. Muzikën e ka komponuar e aranzhuar Trimor Dhomi ndërsa në skenë luajnë instrumentistët: Leonard Canhasi, Teoman Ukça, Edmond Gjinolli e Ermal Sadiku.
Këtë vit, Showcase-i do të prezentojë 10 performanca teatrore nga Kosova dhe rreth 4 të tjera nga rajoni dhe Evropa./21Media