Ekspozita me skandal për masakrat nuk bie në sy te Nagavcit dhe Haxhiut

1 hour më parëPërditesimi i fundit: March 28, 2026

Komuna e Prishtinës sot i ka larguar nga sheshi kryesor disa tabela me përmbajtje që është thënë se kanë pasur pasaktësi lidhur me masakrat që kanë ndodhur gjatë luftës në Kosovë, përkatësisht në periudhën 1998 -’99.

Kjo ekspozitë ishte vizituar ditë më parë nga kryetarja Kuvendit, Albulena Haxhiu, dhe shefja e grupit parlamentar të Lëvizjes Vetëvendosje, Arbërie Nagavci, të cilat i kanë lexuar një nga një shkrimet në ekspozitën e diskutueshme për masakrat në Kosovë, pa e vërejtur asnjë gabim, pavarësisht se përmbajtja ka shkaktuar shumë reagime për deformimin e historisë.

Në ditën e vizitës, më 24 mars, Haxhiu dhe kishte reaguar në rrjetin e social, Facebook, duke shkruar se çdo panel nga kjo ekspozitë rrëfen krime të rënda ndaj civilëve të pafajshëm shqiptarë.

“Ekspozita “Masakrat në Kosovë 1998–1999” Nuk është e lehtë të ecësh mes këtyre dëshmive, por është e domosdoshme për të kuptuar thellësinë e dhimbjes dhe padrejtësitë e përjetuara. Çdo panel rrëfen një krim të rëndë ndaj civilëve të pafajshëm shqiptarë, krime të kryera nga forcat serbe, dhe sjell para nesh një të vërtetë që nuk mund të fshihet apo të mohohet. Republika e Kosovës nuk do t’i harrojë kurrë krimet e luftës, krimet kundër njerëzimit dhe gjenocidin e kryer në Kosovë”, kishte shkruar Haxhiu.
1 hour më parëPërditesimi i fundit: March 28, 2026
Back to top button