Euro 2024: Zvicra e Xhakës e Shaqirit në çerekfinale, eliminohet kampioni
(Lajm i përditësuar)
Euro 2024: Zvicra e Xhakës e Shaqirit në çerekfinale, eliminohet kampioni
Kombëtarja e Zvicrës ka siguruar biletën e parë drejt çerekfinales së Kampionatit Evropian Euro 2024, duke e eliminuar kampionin aktual të kësaj gare, Italinë.
Pas më shumë se 90 minutave lojë të zhvilluara në “Olympiastadion” të Berlinit, Zvicra e ka mposhtur Italinë me rezultat solid 2:0.
Golat e fitores për “Helvetikët” i shënuan Remo Freuler (minuta e 37’) dhe Ruben Vargas (minuta e 46’).
Tërë ndeshjen për Zvicrën luajti Granit Xhaka, kurse rezervistë të papërdorur ishin futbollistët shqiptarë, Xherdan Shaqiri dhe Ardon Jashari.
Rezultati final, 2:0 në favor të Zvicrës.
Vargas “bombardon” portën e Italisë, Zvicra thellon epërsinë
Është shënuar edhe goli i dytë në stadiumin “Olympiastadion” të Berlinit, ku po luhet ndeshja tejet interesante e Euro 2024 mes Zvicrës dhe Italisë.
Kombëtarja e Zvicrës ka arritur ta thellojë rezultatin në 2:0 në ndeshjen kundër Italisë, përmes një super goli të shënuar nga Ruben Vargas.
Vargas shënon në minutën e 46’ për 2:0.
Zvicra kalon në epërsi
Përfaqësuesja e Zvicrës ka kaluar në epërsi 1:0 ndaj Italisë.
Golin e epërsisë e realizoi mesfushori i Bolognas Remo Freuler në minutën e 37-të.
Euro 2024: Fillon ndeshja mes Zvicrës dhe Italisë
Ka filluar të zhvillohet pjesa e parë në ndeshjen tejet interesante të Euro 2024 mes Zvicrës dhe Italisë.
Përballja e sotme po zhvillohet në stadiumin “Olympiastadion” të Berlinit, dhe i takon raundit të 16-të të Kampionatit Evropian Euro 2024.
Granit Xhaka e nis ndeshjes si titullar, kurse Xherdan Shaqiri luan si rezervist.
Dëshiron ta dëgjosh këtë lajm me zë?