Evakuimet në Mariupol janë një fije shprese për ukrainasit

Këshilltar i ministrit ukrainas të mbrojtjes. Yuri Sak ka thënë se evakuimi i civilëve nga fabrika e çelikut në Mariupol është një “frymë shprese”.
“Këto janë sigurisht vetëm shifra të vogla sepse ka më shumë se 1,000 civilë që janë ende të bllokuar në fabrikën e çelikut Azovstal dhe gjithashtu ka mbi 500 ushtarë të plagosur, të cilët gjithashtu duhet të evakuohen për të marrë ndihmën e nevojshme mjekësore. Situata, ndërkohë që ka një fije shprese, vazhdon të jetë jashtëzakonisht e vështirë”, ka thënë ai.
Ushtarët ukrainas thonë se 20 vetë u larguan nga fabrika e çelikut – pjesa e fundit e qytetit jugor ende në duart e trupave ukrainase – dje.
Ministria ruse e mbrojtjes thotë se dy grupe, me 25 dhe më pas 21 persona, u larguan nga ndërtesat e banimit pranë fabrikës së çelikut, por kjo nuk ishte konfirmuar në mënyrë të pavarur./21Media