Evakuohen mbi 1 milion njerëz pas përmbytjeve

Më shumë se një milion njerëzve u është thënë të largohen nga shtëpitë e tyre pas reshjeve të dendura të shiut në Japoni.
Paralajmërimet e shiut të nivelit më të lartë janë lëshuar në disa prefektura, përfshirë Fukuoka dhe Hiroshima.
Një grua ka humbur jetën dhe burri dhe vajza e saj janë zhdukur pasi rrëshqitja e tokës shkatërroi dy shtëpi në Nagasaki.
Më shumë se 150 trupa, polici dhe zjarrfikës janë dërguar për të ndihmuar me operacionet e shpëtimit në zonë.
Perëndimi i vendit është prekur më keq, por priten reshje të dendura shiu në të gjithë vendin në ditët në vijim.
Yushi Adachi, nga agjencia meteorologjike japoneze, e përshkroi reshjet aktuale si “të pashembullta”.
“Ka shumë të ngjarë që një lloj katastrofe të ketë ndodhur tashmë,” shtoi Adachi.
Përmbytjet vijnë vetëm disa javë pasi shiu i fortë shkaktoi rrëshqitje toke dhe bëri që lumenjtë të shpërthenin , duke lënë të vdekur dhjetëra njerëz./21Media