FHK fiton të drejtën e organizimit të Kampionatit Evropian U19 për femra në hendboll

Në Kosovë do të organizohet Kampionati Evropian i hendbollit për femrat në kategorinë U19.
Kështu u vendos në Kongresin e 15 të jashtëzakonshëm të Federatës Europiane të Hendbollit, që po mbahet në Luksemburg.
Me këtë, Federata e Hendbollit e Kosovës, do të organizojë për herë të parë një Kampionat evropian në hendboll në Kosovë. Me rastin e dhënies të organizimit, u theksua se FHK me partnerët ka dëshmuar se është organizuese e shkëlqyer e eventeve në hendboll./21Media