Four Ways from Sundown në Kino Armata mirëpret performancën e Felix Kubin

Sot( e enjte – 21 korrik), Felix Kubin do të dhurojë spektakël më kuadër të programit Four Ways from Sundown në Kino Armata.
I kuruar nga Sezgin Boynik, Alush Gashi dhe Vigan Nimani për Manifesta 14 Prishtina, të tjerë artistë që marrin pjesë janë Jean-Marc Montera, Jean-François Pauvros, Anna Thew dhe Sylvain George.
Felix Kubin, një kompozitor, krijues i shfaqjeve radiofonike, interpretues, artist mediatik dhe kurator.
“Një fëmijë i i epokës së regjistrimit në shtëpi (ai filloi të kompozonte muzikë elektronike me formatin 4-track në moshën 12-vjeçare), aktivitetet e tij përfshijnë muzikën futuriste pop, elektroakustike dhe muzikën e orkestrës së dhomës, artin e radios, performancat e leksioneve dhe shkrimin”, thuhet në njoftim.
Në vitin 1998 ai themeloi kompaninë e tij diskografike Gagarin Records. Gjatë dy dekadave të fundit, ai ka publikuar albume të shumta të formateve të ndryshme konceptuale dhe ka performuar në mbi qindra festivale ndërkombëtare të muzikës bashkëkohore.
“Felix Kubin pëlqen të lëvizë midis kulturës së lartë dhe të ulët, klubeve dhe sallave të koncerteve, pasi qëllimi i tij kryesor është zhvendosja e konteksteve dhe pritshmërive”, vazhdon njoftimi./21Media