Franca sot voton, Macron apo Le Pen?

Votuesit francezë po shkojnë drejt qendrave të votimit për të vendosur nëse do t’i japin Emmanuel Macron-it pesë vjet të tjera si president ose do ta zëvendësojnë atë me kandidaten e ekstremit të djathtë Marine Le Pen.
Pas një fushate zgjedhore, Le Pen përballet me një betejë të vështirë me kundërshtarin e saj 44-vjeçar që është përpara zgjedhjeve.
Për të fituar, ata të dy duhet të tërheqin votuesit që mbështetën kandidatët e tjerë në raundin e parë.
Kundërshtarët e Macron e quajnë atë arrogant dhe president të të pasurve, ndërsa liderja e ekstremit të djathtë është akuzuar se ka lidhje me presidentin rus Vladimir Putin.
Macron u ngrit në pushtet me një premtim të stuhishëm ndryshimi, por shumë ankohen se ende nuk e kanë parë atë. Presidenca e tij është goditur nga protestat, pandemia Covid dhe tani kostoja në rritje e jetesës.
Ndërkohë, Marine Le Pen ka mësuar nga gabimet që bëri kur u mposht fuqishëm në vitin 2017. Kjo është animi i saj i tretë në presidencë dhe nëse dështon mund të jetë e fundit për të.
E panjohura e madhe në këto zgjedhje është se sa votues do të refuzojnë të mbështesin asnjërin kandidat, qoftë duke hedhur një fletë të bardhë apo duke mos dalë fare. Pjesa më e madhe e Francës është me pushime dhe pjesëmarrja mund të jetë historikisht e ulët.
Fushata ka qenë e shkurtër, por zgjedhja për votuesit është e qartë, midis një presidenti pro-evropian dhe një kandidati nacionalist që kërkon të ndalojë shaminë dhe të kufizojë imigracionin./21Media