Gashi: Niveli dhe rezultati i takimeve nuk e arsyeton vizitën e Kurtit në SHBA

Shefi i grupit parlamentarë të Lidhjes Demokratike të Kosovës, Arben Gashi tha se në mbledhjen e kryesisë së Kuvendit, është vendosur që të enjten të mbahet seanca e radhës.
Ai tha se LDK do të shqyrtojë mundësitë e marrjes së nismave për shkarkimin e bordit të ZRRE-së.
Gashi tha se presin nga Komisioni i Ekonomisë që sot të iniciojë shkarkimin e bordit të ZRRE-së, pasi sipas tij janë të paaftë, kanë shkelur detyrimet financiare, ka qitur në lajthitje kuvendin dhe vendimet kanë qenë të paligjshme dhe në dëm të qytetarëve.
Lidhur me vizitën e Kurtit në SHBA, Gashi tha se e pazakonshme që në kohën moderne të qëndrojë tri javë jashtë vendit, sidomos tani në kriza energjetike.
“Në kohën kur Kosova ka aplikuar në Këshillin e Evropës, kryeministri nuk gjendet në Kosovës qe 19 ditë pothuasje nuk arsyetohet me takimet që ka pasur, niveli i takimeve dhe rezultati i takimeve nuk do ta arsyetonte asnjë vizë katër ditore e lërë më gjatë”, tha ai./21Media