Georgina Rodriguez për unazën e Ronaldos: “Ishte më e pakta”

Pas një lidhjeje nëntëvjeçare, Cristiano Ronaldo i propozoi partneres së tij, Georgina Rodriguez, me një unazë të jashtëzakonshme prej 30 karatësh, me vlerë rreth 3 milion dollarë, gjatë muajit gusht.

Modelja 31-vjeçare argjentino-spanjolle do të martohet së shpejti me futbollistin portugez, 40 vjeç, pas këtij propozimi mbresëlënës.

Në një intervistë për ELLE Spain, Georgina foli me humor për dhuratën e shtrenjtë, duke e cilësuar si “minimumi që mund të bënte” Ronaldo, pasi kishte pritur kaq gjatë për këtë moment.

“Është e mrekullueshme. Minimumi që mund të më ofronte pas dhjetë vjetësh pritjeje. E vërteta është se, kur më propozoi, ishte gjëja e fundit që më shkonte ndërmend. Më duhej shumë kohë për të përpunuar gurin e madh që më dhuroi. U habita aq shumë sa e lashë në dhomën time dhe nuk e hapa deri ditën tjetër ”, tregoi modelja.

Çifti janë në lidhje që nga viti 2016, dhe tani duket se po i përgatiten hapave të mëtejshëm drejt martesës, duke i dhënë fund pritjes që zgjati thuajse një dekadë.